शहीद स्मारक ‘सी’ डिभिजन लिगमा चर्च ब्वाइज युनाइटेड लगातार तेस्रो खेलमा विजयी भएको छ ।
ललितपुरको सातदोबाटोस्थित एन्फा कम्प्लेक्सको मैदानमा आज भएको खेलमा चर्च ब्वाइजले स्वयम्भू क्लबलाई २-० गोल अन्तरले पराजित गरेको हो । जीतसँगै समूह ’बी’मा रहेको चर्च ब्वाइजले ३ खेलमा ९ अङ्क जोडेको छ । स्वयम्भूको यो दोस्रो हार हो । स्वयम्भूले ३ खेलमा ३ अङ्क मात्र जोडेको छ । 

झापाको पहिलो जीत

सातदोबाटोमै आज सम्पन्न अर्को खेलमा झापा एफसीले पहिलो जीत निकालेको छ । झापाले समाज कल्याण खेलकुद केन्द्रलाई २-० गोल अन्तरले पराजित गरेको हो । जीतसँगै झापाले ३ खेलमा ३ अङ्क जोडेको छ । झापाले अघिल्ला २ खेलमा हार बेहोरेको थियो । 

समाज कल्याणले ३ खेलमा ६ अङ्क जोडेको छ । आगामी २४ चैतसम्म सञ्चालन हुने ‘सी’ डिभिजन लिगमा १४ टोलीले प्रतिस्पर्धा गरिरहेका छन् ।