शहीद स्मारक ‘सी’ डिभिजन लिगमा आज भएको खेलमा स्वयम्भूले पहिलो जीत दर्ज गरेको छ । ललितपुरको सातदोबाटोस्थित एन्फा कम्प्लेक्सको मैदानमा भएको खेलमा स्वयम्भूले ओसिस क्लबलाई ३-१ गोलअन्तरले पराजित गरेको हो । स्वयम्भूका लागि सविन गुरुङ, कुमार दोङ र विक्की राईले गोल गरेका हुन् । 

ओसिसका लागि सान्त्वना गोल राजन पुन मगरले गरेका थिए । खेलको ३८औँ मिनेटमा स्वयम्भूका लागि सविनले पहिलो गोल गरे भने खेलको ४३औँ मिनेटमा कुमारले स्वयम्भूका लागि दोस्रो गोल गरे । 

खेलको ८९औँ मिनेटमा विक्की राईले स्वयम्भूका लागि तेस्रो गोल गरे भने ओसिसका लागि भने १ मात्र गोल खेलको ६८औँ मिनेटमा राजन पुनमगरले गरे ।

जीतसँगै स्वयम्भूले २ खेलबाट ३ अङ्क जोडेको छ । २ खेलमा पराजित ओसिस अङ्कविहीन अवस्थामा छ । यही २४ चैतसम्म सञ्चालन हुने ‘सी’ डिभिजन लिगमा १४ टोलीले प्रतिस्पर्धा गरिरहेका छन् ।