वर्षाका कारण रोकिएको एसीसी प्रिमियर कपको नेपाल र कुवेतबीचको सेमिफाइनल खेल अब ४५ ओभरको हुने भएको छ । 

डेढ घन्टा रोकिएको खेल सवा १२ फेरि सुचारु हुने बताइए पनि मैदानमा फेरि पानी पर्न सुरु भएको छ, जसका कारण खेल सुरु हुन फेरि ढिलाइ हुने भएको छ ।

कीर्तिपुरस्थित त्रिवि मैदानमा टस हारेर पहिले ब्याटिङ गरेको नेपालले २३.२ ओभरमा ३ विकेटको क्षतिमा १४१ रन बनाउँदा रोकिएको थियो । 

नेपालका लागि रोहित पौडेल ३० रन र कुशल मुल्ल ३२ रन बनाएर खेलिरहेका छन् । 

ओपनरद्वय कुशल भुर्तेल ४३ रन र आसिफ शेख ३१ रन बनाएर आउट भए । यस्तै, भीम सार्कीले १ रन मात्र जोड्न सके।

प्रतियोगिताको अर्को सेमिफाइनल खेल ओमान र यूएईबीच मूलपानीमा भइरहेको छ ।