त्रिकोणात्मक टी-२० सिरिजअन्तर्गत आज नेदरल्यान्ड्स र मलेसिया भिड्दै छन् । कीर्तिपुरस्थित टीयू अन्तर्राष्ट्रिय क्रिकेट मैदानमा खेल १२:१५ बजे सुरु हुनेछ ।

पहिलो खेलमा नेपालसँग हारेको नेदरल्याण्ड्सले त्यसयता लगातार २ खेल जित्दै ३ खेलबाट ४ अंक जोडिसकेको छ । मलेसिया लगातार हारपछि अंकविहीन छ ।

३ खेलबाट ४ अंक नै रहेको घरेलु टोली नेपाल राम्रो रनरेटको आधारमा शीर्ष स्थानमा छ।

मलेसियालाई पराजित गरेमा नेदरल्याण्ड्स फाइनलमा पुग्नेछ । यस नतिजाले नपाल पनि अन्तिम लिग खेलअघि नै फाइनल पुग्नेछ ।

मलेसिया यसअघि नेदरल्याण्ड्ससँग १५ रनले पराजित भएको थियो भने नेपालसँग ९ विकेटले पराजित भएको थियो ।