भारतीय राष्ट्रिय  क्रिकेट टोलीका कप्तान बिराट कोहलीले आफूले कहिल्यै सेन्च्युरी पुर्याउने उद्देश्यले नखेलेको दावी गरेका छन् ।

पुनेमा भएको इङ्ल्यान्ड विरुद्धको दोस्रो एक दिवसीय खेलमा पराजित भएपछिको खेल समापनको कार्यक्रमका क्रममा सोधिएको एक प्रश्नको जवाफ दिदै उनले यस्तो टिप्पणी गरेका हुन् ।

उक्त दोस्रो एकदिवसीय खेलमा अदिल रसिदद्वारा ६६ रनमा मैदान बाहिर पठाइएका कोहलीले पछिल्लोपटक सन् २०१९ मा अस्ट्रेलिया विरुद्धको एकदिवसीय खेलमा सेन्च्युरी हानेका थिए ।

आफ्नो केरिअरको सुरूवाती चरणमा प्रसस्त सेन्च्युरी हानेको उल्लेख गर्दै कप्तान कोहलीले भने,' मैले मेरो खेल जीवनको पूर्वार्धमा प्रसस्त सेन्च्युरी हाने किनभने म १०० हान्ने कुरामा कहिल्यै केन्द्रित भइन' ।

आफ्नो व्यक्तिगत लक्ष्यलाई कहिल्यै महत्व नदिएर आफ्नो टोल्रीको अवस्थामाथि मात्र केन्द्रित भएर खेल्ने गरेको बताएका कोहलीको कथनले स्वार्थकेन्द्रित भएर गरिएका सामुहिक कार्य भन्दा सामुहिक हितमा केन्द्रित भएर निस्वार्थ ढंगले गरिएका कामहरूले सबैको हित हुन्छ भन्ने सत्य संदेश आमरूपमा प्रवाहित भएको छ ।