अस्ट्रेलियाका प्रधानमन्त्री स्कट मोरिसनले दशकौँपछि आएको ठूलो बाढीका कारण पश्चिमी सिड्नीका बारेमा ठूलो चिन्ता व्यक्त व्यक्त गरेका छन्।

भीषण बर्षाका कारण न्यू साउथ वेल्सका केही स्थानमा आएको बाढीले सयौँ घर बगाएको छ भने सडकहरू पनि अवरुद्ध भएका छन् ।

प्रधानमन्त्री मोरिसनले अझ धेरै वर्षा हुन सक्ने र अझ जोखिमका दिनहरू आउन सक्ने भन्दै यो संकट समुद्र किनारमा मात्र सिमित नभएको बताएका छन् ।

सिड्नीको सबैभन्दा ठूलो बाँधबाट अर्को सातासम्म पनि पानी बहने र त्यसले उच्च जनसङ्ख्या भएको क्षेत्रलाई खतरामा पार्न सक्ने बताउदै हालसम्म वर्षा र बाढीका कारण कसैको मृत्यु नभएको तर हजारौँ मानिसहरूलाई सुरक्षित स्थानमा सारिएको तथा उद्धारका लागि सेनासमेत  परिचालन गरिएको उल्लेख गरेका छन् ।

अस्ट्रेलियाको त्यस ठाउँमा गत सातादेखि भइरहेको मुसलधारे वर्षा बुधवारदेखि कम हुने बताइएको भए पनि बाढीको जोखिम भने थप केही समय कायम रहने आँकलन गरिएको छ ।