एउटा ट्विट २९ लाख अमेरिकी डलरमा बिक्री भएको छ ।

'जस्ट सेटिङ अप माई ट्विटर’ लेखिएको ट्विटरका संस्थापक ज्याक डोर्सीको पहिलो ट्विट त्यत्रो ठूलो रकममा बिक्री भएको हो । सन् २१ मार्च २००६ मा लेखिएको उक्त ट्विट संस्थापक डोर्सीले परोपकारी कार्यका लागि खर्च गर्न बिक्री गरेका हुन् ।

संस्थापक डोर्सीको पहिलो त्यो ट्विट २९ लाख अमेरिकी डलरमा सिना इस्टाभी नाम गरेका एक मलेसियाली व्यापारीले किनेका छन् । इस्टाभीले आफूले उक्त ट्विट किन्नुलाई 'मोनालिसा' चित्रकला किनेजस्तो बताएका छन् ।

बिटक्वाइनको प्रतिस्पर्धी इथर क्रिप्टोकरेन्सीमार्फत सोमबार किनिएको सो ट्विट किनिसकेपछि इस्टाभीले डिजिटल कुराहरूको अभिलेख राख्न प्रयोग गरिने एनएफटी टोकन पनि पाएका छन् ।

एजेन्सीहरूका अनुसार डोर्सीले ट्विट बिक्रीबाट प्राप्त गरेको रकम अफ्रिका महादेशमा परोपकारी कामका लागि दान गर्ने बताएका छन् ।