भारतका प्रधानमन्त्री नरेन्द्र मोदीको भ्रमणको पूर्वसन्ध्यामा बंगलादेशमा मोदीको चर्को विरोध भइरहेको छ । बंगलादेश सरकारले स्वतन्त्रता दिवसका दिन २६ मार्चमा प्रमुख अतिथिका रूपमा मोदीलाई निम्त्याउँदै छ । 

तर, बंगाली जनताले भने मोदीविरुद्ध त्यहाँ चर्को प्रदर्शन गरिरहेका छन् । मोदीविरुद्धको विरोध नथामिने देखिएपछि त्यहाँको प्रहरीले विरोध गर्नेलाई समात्न थालेको छ । 

मोदीले भ्रमण गर्ने भएपछि सामाजिक सञ्जालमार्फत मोदीको विरोध गरेका एक युवामाथि त्यहाँको प्रहरीले डिजिटल सुरक्षा ऐनअन्तर्गत मुद्दा चलाएको छ । उनलाई अदालतमै उपस्थित गराइएको छ ।

उत्तर पश्चिम बंगलादेशको ठाकुरगाउँ जिल्ला प्रहरीले ती युवालाई हिजो पक्राउ गरेको हो ।