अमेजनका सिइओ जेफ बेजोसले सन् २०३० सम्ममा वातावरणीय सुधारका क्षेत्रमा १० अर्ब डलर खर्च गर्ने योजना बनाएको बेजोस अर्थ फन्डका नवनियुक्त कार्यकारी प्रमुक एन्ड्र्यु स्टियरले मंगलबार जानकारी दिएका छन् ।
बेजोसले जनवरी २०२० मा घोषणा गरेको उक्त कोष वातावरणीय समस्यासँग लड्नका लागि कसरी खर्छ गरिनेछ भन्ने बारे केही बताइएको थिएन ।
मंगलबार अर्थ फन्डको सिइओमा नियुक्त स्टियरले लगातार ट्विट गर्दै अहिले र २०२० को बीचमा उक्त रकम खर्च गर्ने बेजोसको लक्ष्य रहेको बताएका हुन् ।
स्टियरको ट्विटमा लेखिएको छ,"उक्त कोष नयाँ प्रविधिको विकास, लगानी, नीति परिवर्तन र व्यबहारलाई दिशा निर्देश गर्न मद्धत गर्ने गरी बैज्ञानिकहरू, एनजिओहरू, अभियन्ताहरू, र निजि क्षेत्रमा लगानी गरिने छ" । उनी अगाडि लेख्छन्,"हामी सामाजिक न्यायलाई जोड दिनेछौँ, किनकि वातावरण परिवर्तनले गरिब र सीमान्तकृत मानिसहरूलाई ज्यादा चोट पुर्याउछ" ।
इन्स्टाग्राममा आफ्नी प्रेमिका लाउरेनलाई उदृत गर्दै बेजोसले एन्ड्र्युलाई आफ्नो टीममा पाएकोमा आफू प्रसन्न भएको तथा 'अर्थ फन्ड' र आफ्ना सहकर्मीसँगको अगाडिको यात्राका लागि उत्साहित बनेको बताएका छन् ।
स्टियरले उक्त संस्थामा जोडिन पाउँदा आफूलाई अति खुसी लागेको बताउदै मानिसलाई केन्द्रमा राखेर वातावरण र प्रकृति सम्बन्धि समस्याहरूको सम्बोधन गर्नका लागि उपयुक्त परिबर्तन ल्याउन लागि पर्ने प्रतिबद्धता व्यक्त गरे ।
अति धेरै रचनात्मक शुरूवातहरू आर्थिक संकट, जोखिम व्यवस्थापन अथवा उचित साझेदारीको अभावले अगाडि बढ्न नसकिरहेको अवस्थामा 'अर्थ फन्ड' सहयोगी बन्ने उनको प्रतिकृया थियो ।