एसियाको सबै भन्दा लामो समय हराएको कालो निधार भएको बाब्लर नाम गरेको चरा १ सय ७० बर्ष पछि इन्डोनेसियामा भेटिएको छ ।
चरा अद्येताहरु लोप भएको भन्ने ठानिएको त्यो प्रजातिको चराको पुनरागमनले अत्यन्त उत्साहित भएका छन् । एकजना चरा अध्येता तथा लेखक पान्जी गस्टी अक्बरले, द न्यूयोर्क टाइम्समा राचेल न्युवेरले लेखेका छन्, भने,"मैले उत्साह, अविश्वास र धेरै खुसी महशुस गरें" ।
चरा बिज्ञहरुले कालो निधार भएको उक्त बाब्लर चराको बर्णन त्यस बेला प्राप्त एक मात्र नमुनाका आधारमा सर्वप्रथम सन् १८५० तिर गरेको बताइएको छ । तर त्यसपछि कुनै पनि खोजकर्ताहरुले त्यो प्रजातिको चरा फेला पार्न सकेका थिएनन् ।
इन्डोनेसियाको बोर्नियो भन्ने ठाउँमा सन् २०१६ मा बिडब्ल्यु ग्यालिटस नामक चराको निगरानी गर्ने समूहको स्थापना भए पछि परिवर्तन आएको राचेल न्युवेरले लेखेका छन् । उक्त समूहका व्यक्तिहरु स्थानीय मानिसहरुका बिचमा गएर तिनिहरुका प्रान्तमा विविध प्रजातिका चराहरु रहेको कुरा बताउथे । स्थानीय मानिसहरुमध्ये मुहमद सुरान्टो र मुहमद रिज्की फाउजान नाम गरेका मानिसहरु उक्त चराको पहिचान गर्न उत्सुक भए किनभने तिनिहरुले बर्नियोमा अवस्थित दक्षिणी क्यालिमान्टान नामक इन्डोनेसियाको एक प्रान्तको जंगलमा यात्रा गर्ने क्रममा कहिलेकाही एउटा कालो र खैरो रंगको चरा भुर्र भुर्र उडेको देखेका थिए । गत अक्टोबरमा तिनै दुई व्यक्तिहरूले त्यो प्रजातिको एउटा चरा समाउन सफल भए र त्यसको फोटो बिडब्ल्यु ग्यालिटस समूहका एक सदस्य जोको सेड टिसियान्टोलाई पठाएका थिए । पछि उनिहरूले समातेको उक्त चरा बाब्लर भएको पुष्टि भएको थियो ।
चराको पहिचानको पुष्टि भए पछि ट्रिसियान्टोले सुरान्टो र फाउजानलाई समातिएको उक्त चरालाई जंगलमै छाडिदिन मनाएका थिए । उनिहरुको उद्देश्य स्थानीय समुदायमा प्रकृतिप्रति रुचि जगाउनु र पर्यटकलाई आकर्षित गर्नु रहेको बताइएको छ ।
पूर्वी जाभामा अवस्थित बर्डप्याकर नाम गरेको बर्ड वाचिङ एन्ड गाइडिङ समूहका सदस्यसमेत रहेका अक्बरले त्यो चरा हेर्न पाउने सम्भाब्यताका बारेमा संसार भरी बाट मानिसहरुले उनलाई संपर्क गर्न शुरू गरिसकेको बताए ।