कोलम्बियाकी प्रख्यात पप गायिका शाकिराले आफ्ना पति तथा स्पेनका दिग्गज फुटबलर जेरार्ड पिकेसँगको सम्बन्धलाई टुंग्याउने भएकी छन् । पिकेको अर्की एक महिलासँग सम्बन्ध रहेको थाहा पाएपछि उनले आफूलाई धोका दिएको भन्दै अलग्गिने निर्णय लिएकी हुन् ।

शाकिरा र पिके दक्षिण अफ्रिकामा सन् २०१० मा भएको विश्वकपपछि नजिकिएका थिए । त्यस समयको चर्चित फुटबल गीत ‘वाका-वाका’मा उनीहरू सँगै देखिएका थिए ।

पिके हाल बार्सिलोनाको केल मुन्टानेरमा एक्लै बस्दै आएका छन् । पिकेका छिमेकीहरूले धेरै पटक उनीहरूलाई एकाघरमा आउजाउ गरिरहेका देखेका छन् । छिमेकीहरूका अनुसार पिके बार्सिलोनाको रात्रि जीवनमा रमाइरहेका छन् । पिके र शाकिराबीच १० वर्षको उमेर अन्तर छ । उनीहरूका २ सन्तान छन् ।