युक्रेनले राजधानी किभलाई रुसी सेनाबाट मुक्त गरेको दाबी गरिरहेका बेला अमेरिकाले युक्रेनमा लामो दूरीको एन्टी–एयरक्राफ्ट सिस्टम, आर्टिलरी प्रणाली र तटीय रक्षा प्रणाली पठाउन आफ्ना सहयोगीहरूसँग छलफल गरिरहेको जनाएको छ ।
रुसी आक्रमणबीच अमेरिकाले अहिलेसम्म एन्टी ट्यांक हतियार, छोटो दूरीका रकेट र ड्रोनलगायत २.३ बिलियन डलर बराबरका हतियार युक्रेन पठाएको छ । तर, राष्ट्रपति भोलोदोमिर जेलेन्स्कीले रुसी सेनाविरुद्धको लडाइँलाई निरन्तरता दिन थप हतियारको माग गरेका छन् ।
अमेरिकी राष्ट्रिय सुरक्षा सल्लाहकारले अत्याधुनिक हतियार क्षमताको ‘हद र गहिराइ’ ‘असाधारण’ र ‘अभूतपूर्व’ हुने संकेत गरेका छन् ।
रुसी राषट्रपति भ्लादिमिर पुटिनको युद्ध रोक्न अमेरिकाले थप प्रतिबन्ध लगाउने तयारीसमेत गरिरहेको अमेरिकी राष्ट्रिय सुरक्षा सल्लाहकार जेक सुलिभानले बताएका छन् ।
यसैबीच बेलायतले युक्रेनका राष्ट्रपति जेलेन्स्कीले मंगलबार संयुक्त राष्ट्र सुरक्षा परिषद्को बैठकलाई सम्बोधन गर्ने जनाएको छ ।
अमेरिका र बेलायतले बुचामा नागरिकहरूको मृत्युदण्डमा भएको कथित अपराधमा संयुक्त राष्ट्रसंघीय मानवअधिकार परिषद्बाट रुसलाई निलम्बन गर्न खोज्नेछन् ।
अमेरिका र बेलायतले युक्रेनी शहर बुचामा सर्वसाधारणको हत्या भएको अपराधमा राष्ट्रसंघीय मानवअधिकार परिषद्बाट रुसलाई निलम्बन गर्न खोज्ने बताएका छन् ।
