आफ्नो जीवनको ४० वर्षको समय बिनासुनुवाइ भारतीय जेलमा बसेर हालसालै नेपाल फर्किएका इलाम निवासी दुर्गाप्रसाद तिम्सिना उर्फ दीपक जैसीले नेपाली नागरिकता लिएका छन् । उनले बिहीबार जिल्ला प्रशासन कार्यालय इलामबाट नेपाली नागरिकता पाएका हुन् ।

दुर्गाप्रसादलाई सहायक प्रमुख जिल्ला अधिकारी झरेन्द्रप्रसाद चापागाईं  र प्रमुख प्रशासकीय अधिकृत देवीचरण फुयाँलले नागरिकता प्रदान गरे । दुर्गाप्रसादको परिवारले नागरिकताका लागि चासो देखाएपछि जिल्ला प्रशासन कार्यालयले पनि सहजीकरण गरिदिएको थियो ।

कोलकाता उच्च अदालतको आदेसबमोजिम भारतमा क्षतिपूर्ति मागदाबी गर्नका लागि पहल गर्न दुर्गाप्रसादका भाइ प्रकाशचन्द्र तिम्सिना र भतिज गोपाल तिम्सिनाको नाता प्रमाणीकरण प्रमाणपत्र पनि बनाइएको जनाइएको छ ।