सरकारले शर्तसहित आन्तरिक र अन्तर्राष्ट्रिय हवाई उडान खोल्ने निर्णय गरेको छ । सोमबार मन्त्रिपरिषद् बैठकले गन्तव्य र वायुसेवा कम्पनीअनुसार कोटा तोकेर हवाई उडान खुला गरेको हो ।

संस्कृति, पर्यटन तथा नागरिक उड्डयन मन्त्रालयका अनुसार आन्तरिकतर्फ कुल उडान संख्याको ५० प्रतिशतमा नबढ्ने गरी संचालन हुनेछ । यसको तालिका र मिति भने संस्कृति, पर्यटन  तथा नागरिक उड्डयन मन्त्रालयले तय गर्नेछ ।

बुधबारसम्म तालिका तय गर्ने तयारीमा पर्यटन मन्त्रालय छ । सरकारले अन्तर्राष्ट्रियतर्फ समेत नियमित हवाई उडान थप गर्ने निर्णय गरेको छ ।

अब काठमाडौँ-दोहा रुटमा नेपाली वायुसेवाले २ र कतारका वायुसेवाले २ गरी सातामा ४ उडान गर्ने भएका छन् । काठमाडौँ-इस्तानबुलमा साताको २, काठमाडौँ-दुबई रुटमा समेत सातामा ४ उडान हुने भएको छ ।

काठमाडौँ-दमाम रुटमा साताको २, काठमाडौँ-कुवेतमा साताको २, काठमाडौँ-मस्कटमा साताको १ र मलेसियामा साताको ४ उडान खुल्ने भएको छ ।

दक्षिण कोरियामा १ र जापानमा १ उडान खुला भएको छ । काठमाडौँ-छेन्दु र ग्वाङझाओ रुटमा साताको १-१ उडान हुने गरी खुलेको छ ।

हेर्नुहोस् निर्णय: