विवेकशील साझा पार्टीका पूर्वअध्यक्ष उज्ज्वल थापाको आज निधन भएको छ । कोरोनाका कारण गम्भीर अवस्थामा रहेका थापाको उपचारका क्रममा निधन भएको हो ।

थापाको मेडिसिटी अस्पतालमा उपचार भइरहेको थियो । गम्भीर अवस्थामा रहेका थापालाई भेन्टिलेटरमा राखेर उपचार गर्दा पनि सुधार आउन नसकेपछि मेडिसिटीमा ईसीएमओ प्रविधिबाट उपचार गरिएको थियो ।

उपचारकै क्रममा उनको मंगलबार दिउसो निधन भएको मेडिसिटी अस्पताल स्रोतले जानकारी दिएको छ ।

थापा कोरोना भाइरसको संक्रमण भएपछि ह्याम्स अस्पताल भर्ना भएका थिए । ह्याम्सले ग्राण्डी अस्पताल रेफर गरे पनि ईसीएमओ प्रविधिबाट उपचार गर्नुपर्ने भएपछि मेडिसिटी लगिएको थियो ।

४४ वर्षीय थापाको ४ बजेर २५ मिनेट जाँदा निधन भएको विवेकशील साझाका संयोजक मिलन पाण्डेले बताए ।