कोभिड-१९ संकट व्यवस्थापन केन्द्र (सीसीएमसी) ले सूचना विभागको प्रेस पासले मात्रै पत्रकारलाई हिँड्न दिने निर्णय गरेको छ ।

यसअघि निषेधाज्ञाका समयमा समाचार संकलनार्थ खटिएका पत्रकारले सम्बन्धित मिडिया हाउसकै पासका आधारमा हिँड्न पाउने गरेकामा मिडिया हाउसको कार्ड देखाउँदा दुरूपयोगको सम्भावना धेरै देखिएकाले कडाइ गर्नुपरेको बताइएको छ ।

कोभिड-१९ महामारीले उग्ररूप लिन थालेपछि उपत्यकाकाका ३ जिल्ला प्रशासन कार्यालयलले यही १६ बैसाख देखि निषेधाज्ञाको आदेश जारी गरेका छन् ।

उपत्यका बाहिर निषेधाज्ञा लगाइएका जिल्लाहरूका हकमा भने सूचना विभागको प्रेस पास नहुनेलाई प्रमुख जिल्ला अधिकारीले नै अर्को अस्थायी पासको व्‍यवस्था मिलाउन सक्ने भनिएको छ ।