बीएमडब्ल्यू मोटोरेडले आइतबार आफ्नो फ्ल्याग सिप स्पोर्ट्स बाइक एस १००० आरआरको 'एम पर्फर्मेन्स' मोडेल भारतमा लन्च गरेको छ ।

एउटा स्ट्यान्डर्ड एम १००० आरआरको मूल्य ४२ लाख भारतीय रुपैयाँ राखिएको भए तापनि त्योभन्दा पनि उत्कृष्ट त्यसैको अर्को मोडेल 'एम १००० आरआर कम्पिटिसन'को मूल्य भने ४५ लाख भारतीय रुपैयाँ कायम गरिएको बताइएको छ ।

बीएमडब्ल्यू स्पोर्ट्स कारका लागि मात्र सुरक्षित गरिएको 'एम' उपाधि पाउने बीएमडब्ल्यू मोटरसाइकल नै पहिलो भएको जनाइएको छ ।

फरक ३ वटा कलरमा उपलब्ध सो मोटरसाइकलको बाहिरी रङ र ग्राफिक्समा सुधार गरिएको बताइएको छ ।

बीएमडब्ल्यूू दर्शनमा आधारित भएर निर्माण गरिएको उक्त मोटरसाइकलले दौडमा उत्कृष्ट प्रदर्शनको माग पूरा गर्न सक्ने उल्लेख गर्दै बिहीबारदेखि भारतस्थित सबै बीएमडब्ल्यू मोटोरेड डिलरमा बुकिङ खुला गरिएको जानकारी गराइएको छ ।