धितोपत्र बजारमा शेयर कारोबार मापक नेप्से परिसूचक आज दोहोरो अङ्कले घटेको छ । शेयर कारोबार हुने साताको अन्तिम दिन नेप्से २१.२९ अङ्कले घटेर २५४८.९६ मा ओर्लेको छ ।
यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक ५.६४ बिन्दुले घटेर ४५०.३१ मा ओर्लेको छ । कुल २०८ कम्पनीको १ करोड २५ लाख ४८ हजार १४६ कित्ता शेयर ६ अर्ब ५० करोड ८ लाख ६ हजार ४० रुपैयाँ मूल्यमा खरिद बिक्री भए ।
बिहीबारको कारोबारपछि कुल बजार पुँजीकरण ३५ खर्ब २० अर्ब २२ करोड ७५ लाख ४० हजार रुपैयाँ बराबर पुगेको छ । नेप्सेका अनुसार कारोबार भएका कुल १३ उपसमूहमध्ये ३ उपसमूहको शेयर उकालो लाग्दा १० उपसमूहको शेयर भने ओरालो लागेको छ ।
व्यापार १७४.८८, होटल र पर्यटन १५४.०७ र सामूहिक लगानी कोष १.१९ बिन्दुले उकालो लाग्दा बैंकिङ १९.६७, विकास बैंक १९.९२, जलविद्युत् ४४.२९, वित्त २.८८, निर्जीवन बीमा ५४.१५, उत्पादन ४९.६३, अन्य ३७.२२, लघुवित्त ४७.५४, जीवन बीमा १६९.८ र सामूहिक लगानी कोष ०.१ बिन्दुले ओरालो लागेको छ ।
कारोबारका आधारमा नेपाल पूर्वाधार बैंक शीर्ष स्थानमा छ । सो कम्पनीको शेयर प्रतिकित्ता ६०८ रुपैयाँमा कारोबार भयो । कुल ९१ करोड ८ लाख ८० हजार ७१९ रुपैयाँ बराबरको कारोबार भई शीर्ष स्थानमा छ । यस्तै, माथिल्लो तामाकोसी २६ करोढ ९७ लाख ७२ हजार ४६५, सिद्धार्थ इन्स्योरेन्स २३ करोड ५१ लाख २१ हजार ६९४, नेपाल बंगलादेश बैंक २२ करोड ९२ लाख ४९ हजार ६४२, नेको इन्स्योरेन्स १५ करोड ४९ लाख ९६ हजार ४०, एचआईडीसीएल १५ करोड १८ लाख ८५ हजार ९६४, नेपाल लाइफ इन्स्योरेन्स १४ करोड ९८ लाख ६६ हजार ७७२, एनसीसी बैंक ११ करोड १७ लाख ६१ हजार ७२३, प्रिमियर इन्स्योरेन्स १० करोड ९२ लाख ९२ हजार ६७० र निर्धन उत्थान लघुवित्त १० करोड ८४ लाख २ हजार २८७ रुपैयाँ बराबरको कारोबार भई शीर्ष स्थानमा रहे ।
नेप्सेका अनुसार आज सबैभन्दा बढी चन्द्रागिरि हिल्सका लगानीकर्ताले कमाए । सो कम्पनीको शेयरमा आज पनि १० प्रतिशतले वृद्धि हुँदा सकारात्मक सर्किट लाग्यो । यस्तै, सपोर्ट माइक्रोफाइनान्स ९.९७, बोमी माइक्रोफाइनान्स ९.९४, सिद्धार्थ इन्स्योरेन्स ७.८२, माउण्टेन हाइड्रो ७.१४, बोटलर्स नेपाल तराई ६.३२, महिला लघुवित्त ५.९१, रैराङ हाइड्रोपावर ५.८७, नेपाल पूर्वाधार बैंक ४.६५ र जनउत्थान सामुदायिक लघुवित्तका शेयरधनीले ४.४९ प्रतिशतले कमाएका छन् ।
त्यस्तै, नेपाल बंगलादेश बैंक ६.१४, एनआइबीएल प्रगति फण्ड ५.५०, हिमालयन ऊर्जा विकास कम्पनी ४.३५, साञ्जेन जलविद्युत् कम्पनी ४.२२, रसुवागढी हाइड्रोपावर ४.०५, हिमाल दोलखा हाइड्रोपावर ३.५२, कालिका पावर कम्पनी ३.४९, रिडी हाइड्रोपावर ३.४७, सारथि नेपाल लघुवित्त ३.४० र मेरो माइक्रोफाइनान्सका लगानीकर्ताले ३.३४ प्रतिशतले गुमाए ।
