सूर्योदय लघुवित्त वित्तीय संस्थाले संस्थाको आठौँ वार्षिक साधारणसभा आह्वान गरेको छ । लघुवित्तले ३१ चैतमा स्याङ्जामा बिहान साढे ८ बजे सभा बोलाएको हो ।
लघुवित्तले गत आर्थिक वर्षको कमाइबाट चुक्ता पुँजीको १५.३५७७३४१ प्रतिशत बोनस शेयर वितरण गर्ने विशेष प्रस्ताव सभामा लैजाने भएको छ ।
लघुवित्तले २१.७६१७९६७६ प्रतिशत रहेको सर्वसाधारण शेयर स्वामित्व अनुपात ३० प्रतिशत कायम गर्न फरक रकम बराबरको एफपीओ जारी गर्ने प्रस्तावसमेत पारित गर्ने भएको छ । 
सभाले अन्य लघुवित्त वित्तीय संस्थालाई गाभ्ने वा संस्थासँग गाभिने प्रयोजन र सोसँग सम्बन्धित सम्पूर्ण कार्य गर्नका लागि सञ्चालक समितिलाई अख्तियारी प्रदान गर्ने भएको छ ।
साधारणसभा प्रयोजनका लागि लघुवित्तले १९ चैतदेखि ३१ चैतसम्मका लागि बुक क्लोज गर्ने भएकाले १८ चैतसम्म कायम शेयरधनीहरूले मात्र लघुवित्तले दिने लाभांश लिन र साधारणसभामा भाग लिन पाउनेछन् ।