सोमबार शेयर बजार परिसूचक नेप्से २४.०८ अंकले घटेर २५१४.३९ अंकमा बन्द भएको हो ।
कारोबारमा आएका २११ कम्पनीको १ करोड ९ लाख ३१ हजार ३५८ कित्ता शेयर ५ अर्ब ३५ करोड १३ लाख ५३ हजार ६२५ रुपैयाँमा कारोबार भएको छ ।
आज होटल तथा पर्यटन र विकास बैंकबाहेक सबै समूह घटेका छन् । होटल तथा पर्यटन ३.४७ र विकास बैंक ४.७९ प्रतिशतले बढेका छन् ।
बैंकिङ समूह १.२ प्रतिशत, व्यापार ०.४४, विकास बैंक ०.७६, फाइनान्स ०.७१, निर्जीवन बीमा १.४४, उत्पादन तथा प्रशोधन २.२७, अन्य १.५३, माइक्रो फाइनान्स २.०३, जीवन बीमा १.८१, म्युचुअल फन्ड ०.३८ र लगानी समूहको १.४२ प्रतिशतले शेयर मूल्य घटेको छ ।
अन्य समूहको शेयर मूल्यमा गिरावट आए पनि माथिल्लो तामाकोशीको शेयर मूल्यमा भने सकारात्मक सर्किट लागेको छ । सो कम्पनीको शेयर मूल्य ६६ रुपैयाँले बढेर ७२६ पुगेको छ । चन्द्रागिरि हिल्सको मूल्य ९.९९ प्रतिशतले बढेर १ हजार ५६३ प्रतिकित्ता कायम भएको छ ।
कारोबारका आधारमा आज माथिल्लो तामाकोसी शीर्ष स्थानमा रह्यो । सो कम्पनीको ४६ करोड ९६ लाख ८९ हजार ८७६ कित्ता शेयर बिक्री भएको हो । नेपाल बंगलादेश बैंकको ३१ करोड ४३ लाख ७३ हजार २०४ कित्ता शेयर बिक्री भएको छ ।
कारोबारमा आएका कम्पनीमध्ये ३३ कम्पनीको शेयर मूल्य वृद्धि भएको छ भने १३८ कम्पनीको शेयरमूल्य घटेको छ । ८ कम्पनीको शेयरमूल्य भने कुनै परिवर्तन आएको छैन ।
यस दिन प्रुडेन्सियल इन्स्योरेन्सको मूल्य भने सबैभन्दा धेरै ४.७१ प्रतिशतले घट्यो । सपोर्ट माइक्रो फाइनान्सको मूल्य ४.४७ प्रतिशतले घट्यो ।
