युरोपमा कोरोना जोखिम बढेको भन्दै फ्रान्सलगायतका देशमा पुन: लकडाउन गरिएको छ भने छिमेकी देश भारतसमेत उच्च जोखिममा रहेको खबर आइरहेका बेला नेपालको स्वास्थ्य तथा जनसंख्या मन्त्रालयले कोरोना भाइरस संक्रमणको जोखिम कायमै रहेको भन्दै भीडभाड हुने कार्य नगर्न र स्वास्थ्य मापदण्ड अपनाउन अनुरोध गरेको छ ।

मन्त्रालयका प्रवक्ता डा. जागेश्वर गाैतमले आइतबार विज्ञप्ति जारी गर्दै सतर्कता अपनाउन आग्रह गरेका छन् ।
नेपालमा कोरोना संक्रमण बढ्न सक्ने भन्दै सभा, जुलुस, र्‍याली, भेला, गोष्ठी, बैठक र भीडभाड हुने व्यवसाय र कार्य नगर्न र सामाजिक/भैतिक दूरी राख्नुका साथै मास्कको अनिवार्य प्रयोग गर्न मन्त्रालयले अनुरोध गरेको छ ।

यसैबीच कोरोनाविरुद्धको खोप आपूर्तिमा असहजता भएको भन्दै सरकारले भारतमा उत्पादित बायोटेकको खोप आयात गर्न अस्थायी प्रयोगको अनुमति दिएको छ ।