सिँगटी हाइड्रो इनर्जीको आईपीओमा पहिलो दिन नै लगानीकर्ताले ४२ करोड ३१ लाख १७ हजार रुपैयाँ बराबरको आवेदन दिएका छन् । शुक्रबार साँझ ५ बजेसम्म २ लाख ५० हजार ४२५ जनाले ४२ लाख ३१ हजार १७० कित्ताका लागि आवेदन दिएका हुन् । सर्वसाधारणका लागि बिक्री खुला गरिएको कुल २६ लाख ४० हजार कित्तालाई आधार मान्ने हो भने १‍‍.६० गुणा बढी आवेदन परिसकेको छ । 

हाइड्रोले आजदेखि अर्थात् ६ चैतदेखि १०० रुपैयाँ दरको कुल २९ लाख कित्ता आईपीओ निश्कासन गरेको हो ।

कम्पनीले निश्कासन गर्ने २९ लाख कित्तामध्ये ५ प्रतिशतले हुन आउने १ लाख ४५ हजार कित्ता म्युचुअल फण्डहरूलाई छुट्याएको छ भने २ प्रतिशतले हुन आउने ५८ हजार कित्ता शेयर भने कम्पनीमा काम गर्ने कर्मचारीका लागि छुट्याइएको छ ।बाँकी २६ लाख ९७ हजार कित्ता शेयर सर्वसाधारणका लागि निश्कासन गरिएको छ ।

आईपीओमा लगानीकर्ताले न्यूनतम १० कित्तादेखि अधिकतम २ लाख कित्ताका लागि आवेदन दिन सक्नेछन् । लगानीकर्ताले मेरो शेयरका साथै सी-आस्वा प्राप्त बैंक तथा वित्तीय संस्थामार्फत शेयर भर्न सक्नेछन् । आईपीओ छिटोमा १० चैतमा बन्द हुनेछ ।