नेपाल सरकारका महान्यायाधिवक्ता अग्नि खरेलले आज दिउँसो १ बजे आफ्नो कार्यालयमा पत्रकार सम्मेलन गरेेर पदबाट राजीनामा दिन लागेको बताइएको छ ।

सरकारको प्रमुख कानुनी सल्लाहकारका रूपमा खरेललाई  मन्त्रिपरिषद्को सिफारिसमा राष्ट्रपति विद्या भण्डारीले  २०७४ फागुनमा महान्याधिवक्ता नियुक्त गरेकी थिइन् ।

नेकपा एमालेबाट दुवै संविधानसभाका सदस्य रहिसकेका   वरिष्ठ अधिवक्ता खरेलले केपी शर्मा ओली नेतृत्वको अघिल्लो मन्त्रिपरिषद्‌मा कानुन मन्त्रालयको जिम्मेवारी पनि सम्हालेका थिए ।

प्रधानमन्त्री ओलीको प्रतिनिधिसभा विघटन गर्ने निर्णयविरुद्ध परेको मुद्दामा खरेलले उक्त कदमको प्रतिरक्षा गरेका थिए ।