पछिल्लो समय महामारीको दोस्रो लहर तीव्र गतिमा बढेपछि फ्रान्सका प्रधानमन्त्रीले शुक्रबारदेखि नै लागू हुने गरी पुनः लकडाउनको घोषणा गर्का छन् ।

लकडाउनका समयमा मानिसहरूलाई अत्यावश्यक कामका लागि मात्र घरबाहिर निस्कने अनुमति दिइनेछ । तर, एक राज्यबाट अर्काेमा जान भने यात्रा प्रतिबन्ध गरिएको छ ।

विद्यालयहरू खुला राखिएको छ तर यहाँको सरकारले तय गरेका मापदण्डहरू पूर्ण रूपमा लागू गरेर मात्र विद्यालय खोल्न सकिने बताइएको छ ।

काममा जानुपर्ने मानिसले पनि आफ्नो घरबाट बढीमा १० किलोमिटरसम्मको कामका लागि मात्र जान सक्नेछन् ।

प्रधानन्त्रीले बिहीबार पत्रकार सम्मेनलमा रेस्टुरेन्ट, बारसहितका अत्यावश्यकभन्दा बाहिरका सेवा बन्द रहने तर विद्यालय र उद्योगहरू भने खुला हुने जानकारी दिए ।
 
फ्रान्समा पछिल्ला दिनमा कोभिडका कारण मृत्यु हुनेको संख्या बढ्दै गएको छ भने दैनिक ३० हजारभन्दा बढी संक्रमित थपिँदै गएका छन् ।

गएको २४ घन्टायताको तथ्यांकमा यहाँका ३५ हजार जनामा संक्रमण देखिएको छ । यो समयमा मात्र २६८ जनाको संक्रमणबाट निधन भएको छ ।

फ्रान्समा अहिलेसम्ममा करिब ४२ लाख जनालाई यो संक्रमण देखिएको छ । त्यसैगरी यहाँ यस महामारीबाट मृत्यु हुनेको संख्या पनि ९१ हजारभन्दा बढी पुगेको बताइएको छ ।