थापाथलीमा रहेको इन्ष्टिच्युट अफ म्यानेजमेन्ट स्टडिज (आईएमएस) कलेजमा प्रा.डा. बालकृष्ण श्रेष्ठ प्रिन्सिपल नियुक्त भएका छन् । श्रेष्ठलाई कलेजका अध्यक्ष नवीन चौहानले स्वागत गरे ।
प्रा.डा. श्रेष्ठ त्रिभुवन विश्वविद्यालयका व्यवस्थापन संकायका पूर्वप्रमुख हुन् । उनी विषय समितिका पूर्वअध्यक्ष र हाल म्यानेजमन्ट रिसर्च कमिटीका अध्यक्ष छन् ।
सन् २००४ देखि सुरु भएको आईएमएसले विद्यार्थीलाई आत्मनिर्भर बनाई रोजगार बजारमा लैजान ५ वटा कम्पनीसँग सम्झौता (एमओयू) भएको छ ।
आईएमएस कलेजले प्रोसर नेपाल र जेनिस क्लाउड एकेडेमी जस्ता अन्तर्राष्ट्रिय आईटी कम्पनी, ट्यालेन्ट्स् कनेक्ट्स (एचआर कम्पनी) र सेक्युरिटिज कम्पनीहरूसँग सम्झौता गरेको छ । आईएमएसले अबको पठनपाठन विद्यार्थी तथा प्रविधि केन्द्रित हुँदै उनीहरूको व्यक्तित्व विकासलाई मध्यनजर गर्दै स्वदेश तथा विदेशमा प्रतिस्पर्धा गर्न सक्ने जनशक्ति उत्पादन गर्ने खालको हुने दाबी गरेको छ ।
देशभित्रका बिजनेस अर्गनाजेसनको आवश्यकतानुसारको जनशक्ति आईएमएसले तयार गर्छ । विभिन्न विषयका ख्यातिप्राप्त प्रोफेसरहरूलाई नियमित तथा भिजिटिङ क्लासमा सरिक गराई नेपालको उच्चस्तरीय बिजनेस कलेजको रूपमा अगाडि बढाउने योजना कलेजको छ ।
उच्च शिक्षाका लागि विद्यार्थी विदेश पलायन हुने क्रम तीब्र छ । यसलाई रोक्दै नेपालमै विश्व स्तरको शिक्षा प्रदान आईएमएसमा गरिने र त्यसका लागि प्रा.डा. श्रेष्ठको नेतृत्व सबल र सफल हुने अध्यक्ष चौहानले बताए । पाका र अनुभवी प्राज्ञिक व्यक्तित्वको नेतृत्वले कलेजको समग्र पक्षमा उल्लेख्य सुधार हुने विश्वास अध्यक्ष चौहानको छ ।
आईएमएसमा त्रिभुवन विश्वविद्यालयअन्तर्गतको बीबीए, बीआईएम, बीबीएस कोर्स पढाइ हुँदै आएको छ ।
