पटकपटक मूल्य वृद्धि गर्दै आएको नेपाल आयल निगमले पेट्रोलियम पदार्थको मूल्य फेरि बढाएको छ । पेट्रोल तथा डिजेल र मट्टीतेलको साविकको खुद्रा बिक्री मूल्यमा प्रतिलिटर २ रुपैयाँ मूल्य बढेको छ ।

नयाँ मूल्यअनुसार पेट्रोलको मूल्य प्रतिलिटर ११८ र डिजेलको १०१ रुपैयाँ पुगेको छ ।

हवाई इन्धन (आन्तरिक उडानतर्फ)को साविकको खुद्रा बिक्री मूल्यमा प्रतिलिटर २ रुपैयाँले वृद्धि गरेर ७४ रुपैयाँ कायम गरिएको आयल निगमले जानकारी दिएको छ ।

एलपी ग्यास तथा हवाई इन्धन (आन्तर्राष्ट्रिय उडानतर्फ)को खुद्रा बिक्री मूल्य यथावत कायम राखिएको छ ।

घाटामा गएको भन्दै निरन्तर मूल्य समायोजनका नाममा पेट्रोलियम पदार्थक‍ो‍ मूल्य बढाउँदै आएको निगमलाई अझै पनि पेट्रोलमा प्रतिलिटर ९ रुपैयाँ ३५ पैसा, डिजेलमा प्रतिलिटर ५ रुपैयाँ ८० पैसा र एलपी ग्यासमा प्रतिसिलिण्डर ३९२ रुपैयाँ ८२ पैसा घाटा कायम रहने बताइएको छ ।