सर्वोच्च अदालतले एकीकृत भनिएको नेपाल कम्युनिस्ट पार्टीबारे फैसला गर्दै साविकका एमाले र माओवादी केन्द्रलाई व्युँताएपछिको अन्योलपूर्ण र अस्थिर राजनीतिक अवस्थाको अन्त्य र नयाँ सरकार निर्माणका लागि छलफाल गर्न राष्ट्रपति विद्यादेवी भण्डारीले सर्वदलीय बैठक बोलाएकी छन् ।

३ चैत दिउँसो ४ बजेका लागि बोलाइएको बैठकमा पूर्वप्रधानमन्त्रीहरू र संसदमा प्रतिनिधित्व गर्ने दलका मुख्य नेतालाई आमन्त्रण गरिएको शीतलनिवास स्रोतले  जानकारी दिएको छ ।

कोरोना जोखिमका कारण राष्ट्रपतिले दलहरूसँग परामर्श गर्न पाएकी थिइनन् ।

भोलि हुने बैठकका वर्तमान राजनीतिक अन्योलबारे परामर्श गरी शीघ्र र उपयुक्त निकासका लागि छलफल गर्ने बताइएको छ । नयाँ सरकार गठनका विषयमा पनि राष्ट्रपतिले परामर्श गर्ने स्रोतको भनाइ छ ।