संसद सचिवालयले भोलि ३ चैतमा बस्ने प्रतिनिधिसभा बैठकको कार्यसूची सार्वजनिक गरेको छ । 

सभामुख अग्निप्रसाद सापकोटाको अध्यक्षतामा आज बसेको कार्यव्यवस्था परामर्श समितिको बैठकपछि सचिवालयले संभावित कार्यसूची सार्वजनिक गरेको हो । 

संभावित कार्यसूचीअनुसार बैठकमा सभामुखले प्रतिनिधिसभा नियमावली, २०७५ को नियम १० को उपनियम (१) बमोजिम बैठकको अध्यक्षता गर्ने सदस्यहरूको मनोनयन गर्नेछन् । त्यसपछि शोक प्रस्ताव पारित गरेर बैठक सकिनेछ । 

सभामुखले संविधानसभा सदस्य दिनेशचन्द्र यादवको निधनमा शोक प्रस्ताव पेस गर्ने संसद सचिवालयले जनाएको छ । संसद बैठक भोलि दिउँसाे १ बजेका लागि बोलाइएकोे छ ।