चैत महिनाको लागि व्याजदर सार्वजनिक गरेका अधिकांश बैंकहरूले ब्याजदर यथावत राखेका छन् । हिमालयन बैंकले भने ब्याजदर घटाएको छ । हिमालयन बैंकले चैत महिनाका लागि मुद्धतीतर्फको ब्याजदर घटाएको छ । बैंकले ४ प्रतिशतदेखि ७ प्रतिशतसम्मको रहेको बैंकको मुद्धती खाताको ब्याजदरलाई ३.५ देखि ६.५ प्रतिशत झारेको छ । अन्य बैंकले यस्तो खातामा ३ देखि ६ प्रतिशतको हाराहारीमा ब्याज दिइरहेका छन् । हिमालयन बैंकले पुस महिनाकै आधार दर ६.८३ प्रतिशतलाई नै निरन्तरता दिएको छ । नबिल बैंक, एनआईसी एसिया बैंक, सानिमा बैंक, प्राइम कमर्सियल बैंक, मुक्तिनाथ विकास बैंकलगायतका बैंकहरूले चैत महिनाका लागि ब्याजदर सार्वजनकि गरेका थिए । यसअघि बजारमा तरलताको अभावका कारण बैंंकहरूको ब्याजदर बढ्न सक्ने हल्ला चलाइए पनि चैत महिनाका लागि सार्वजनिक भएको ब्ययाजदरले उक्त हल्लालाई गलत सावित गरिदिएको छ ।