नेकपा एमालेका अध्यक्ष केपी शर्मा ओलीले पार्टीको बैठक नै नराखी माधवकुमार नेपाल समूहका नेताहरूको जिम्मेवारी खोसिदिएका छन् ।
सर्वोच्च अदालतको २३ फागुनमा एमाले र माओवादी केन्द्र ब्युँताएपछि एमालेका अध्यक्ष ओलीले केन्द्रीय कमिटी बैठक ७ चैतमा बोलाएका भए पनि बैठकको एक साताअघि नै आफ्नो खेमाको बैठक राखेर ओलीले महासचिवबाहेकका सबै पदाधिकारी हटाएका छन् ।
बैठकले एकीकृत भनिएको 'नेकपा' २ खेमामा विभाजित हुँदाका बखत आफ्नो खेमाले गरेको नियुक्तिलाई भने निरन्तरता दिने निर्णय गरेको छ ।
प्रदेश १ को इन्चार्जमा भीम आचार्यलाई हटाएर सुवासचन्द्र नेम्वाङ, बाग्मती प्रदेशको इन्चार्जमा अष्टलक्ष्मी शाक्यलाई हटाएर रामबहादुर थापा बादल, कर्णाली प्रदेशको इन्चार्जमा युवराज ज्ञवालीलाई हटाएर यमलाल कँडेल र सुदूरपश्चिमम प्रदेशको इन्चार्जमा भीम रावललाई हटाएर लेखराज भट्टलाई जिम्मेवारी दिइएको छ ।
प्रदेश २ का सत्यनारायण मण्डल, गण्डकीमा पृथ्वीसुब्बा गुरुङ र लुम्बिनीमा शंकर पोखरेल कायमै छन् ।
विदेश विभाग प्रमुखमा माधवकुमार नेपाललाई हटाएर राजन भट्टराईलाई जिम्मेवारी दिइएको छ ।
यसरी तोकियो जिम्मेवारी
प्रदेश १
इन्चार्ज : सुवासचन्द्र नेम्वाङ
अध्यक्ष : देवराज घिमिरे
सचिव : विनोद ढकाल
प्रदेश २
इन्चार्ज : सत्यनारायण मण्डल
अध्यक्ष : प्रभु साह
सचिव : सुमन प्याकुरेल
बाग्मती
इन्चार्ज : रामबहादुर थापा बादल
अध्यक्ष : आनन्द पोखरेल
सचिव : खेम लोहनी
गण्डकी
इन्चार्ज : पृथ्वी सुब्बा गुरुङ
अध्यक्ष : जगत विश्वकर्मा
सचिव : गोविन्द नेपाली
लुम्बिनी
इन्चार्ज : शंकर पोखरेल
अध्यक्ष : लीला गिरी
सचिव : खेममान खड्का
कर्णाली
इन्चार्ज : यमलाल कँडेल
अध्यक्ष : गुलाबजंग शाह
सचिव : धर्मराज रेग्मी
सुदूरपश्चिम
इन्चार्ज : लेखराज भट्ट
अध्यक्ष : कर्ण थापा
सचिव : राजेन्द्रसिंह रावल
यसरी नै बैठकले विभिन्न विभागहरूको जिम्मेवारी पनि हेरफेर गरेको छ ।
स्कुल विभाग प्रमुखमा केपी शर्मा ओली छन् भने संगठन विभाग प्रमुखमा विष्णु पौडेल र विदेश विभाग प्रमुखको जिम्मेवारी राजन भट्टराईलाई दिइएको छ ।
सम्पर्क कमिटी र कोष तथा आर्थिक विभाग प्रमुखको जिम्मेवारी छविलाल विश्वकर्माले पाएका छन् भने संसदीय विभाग प्रमुख सुवास नेम्वाङ र निर्वाचन विभाग प्रमुखमा विष्णु रिमाललाई तोकिएको छ ।