कर्मचारी सञ्चयकोष पुल्चोक कार्यालयले स्थायी कर्मचारी पदपूर्तिका लागि दरखास्त आह्वान गरेको छ । कोषले २१ फागुनमा गोरखापत्रमा सूचना प्रकाशन गर्दै विभिन्न पदका लागि कर्मचारीको विज्ञापन गरेको हो ।

१ प्रबन्धक (प्रशासन), २ उपप्रबन्धक (प्रशासन), २ उपप्रबन्धक (कम्प्युटर इन्जिनियर), १३ सहायक प्रबन्धक (प्रशासन) र १ सहायक प्रबन्धक (प्रशासन कानुन)  गरी १९ जनाका लागि दरखास्त आह्वान गरिएको छ ।

परीक्षाको किसिम लिखित र अन्तर्वार्ता हुने भनिएको छ साथै लिखित परीक्षा सञ्चालन लोक सेवा आयोगबाट हुनेछ । योग्यता पुगेका इच्छुक उम्मेदवारहरूले २१ फागुनदेखि २१ दिनभित्र दरखास्त दिन सक्नेछन् । सो अवधिपश्चात दोब्बर दस्तुर तिरी थप ७ दिनिभत्र अनलाइन दरखास्त दिन सकिनेछ ।

दरखास्तका लागि कर्मचारी सञ्चय कोषको वेबसाइटबाट अनलाइन फर्म भर्नुपर्नेछ ।