पुनःस्थापित प्रतिनिधिसभाको बैठक आज दिउँसो १ बजे बस्दै छ ।

प्रधानमन्त्रीको सिफारिसमा राष्ट्रपतिबाट भएको विघटन असंवैधानिक ठहर गर्दै सर्वोच्च अदालतले प्रतिनिधिसभा पुन:स्थापना गरिदिएपछिको दोस्रो बैठक आज बस्न लागेको हो ।

यसअघि गत आइतबार बसेको पहिलो बैठक प्रमुख प्रतिपक्षी दल नेपाली कांग्रेस र जनता समाजवादी पार्टी (जसपा)को अवरोधले स्थगित भएको थियो ।

सो बैठकलाई पुष्पकमल दाहाल प्रचण्ड र माधव नेपाल खेमाले बहिष्कार गरेका थिए ।

नेकपाको नामसम्बन्धी सर्वोच्चको पछिल्लो फैसलासँगै एकता औपचारिक रूपमा भंग भएपछि नेकपाका सांसदहरू आज पूर्ववत् एमाले र माओवादी केन्द्रका रूपमा सदनमा जाने भएका छन् ।

आजको बैठकमा पनि गत आइतबारका लागि तय गरिएको कार्यसूचीले निरन्तरता पाउने संसद सचिवालयले जनाएको छ ।