सर्वोच्चको फैसलाले नेपाल कम्युनिस्ट पार्टी (एमाले) र माओवादी केन्द्रलाई एकीकरणअघिको अवस्थामा पुर्‍याइदिएपछि उत्पन्न परिस्थितिको विवेचना गर्न आज बसेको दाहाल-नेपाल समूहको बैठकले हाललाई आआफ्नो पार्टीमा फर्किने निर्णय गरेको छ ।

बैठकपछि संचार माध्यमसँग कुरा गर्दै नेता नारायणकाजी श्रेष्ठले अहिलेलाई आफ्नै पार्टीमा फर्किएर भित्रैबाट ओली प्रवृत्तिको विरोध गर्ने निर्णय भएको जानकारी दिए । संसद पुनःस्थापनाको फैसला हुँदा प्रसन्नता व्यक्त गर्दै दीपावली गरेका उनले आइतबार आफ्नो मनोकूल नआएको सर्वोच्चको फैसलामा आफ्नो  पूर्ण बिमति रहेको प्रतिक्रिया दिए ।

केपी ओलीप्रतिको समर्थन फिर्ता लिने सन्दर्भमा पत्रकारले सोधेको एक प्रश्नको जबाफमा उनले अहिले त्यस विषयमा कुनै निर्णय नगरिएको सुनाए ।

२ दल एक भएका बेला निर्वाचित भएका जनप्रतिनिधिहरूको हैसियत के हुने भन्ने गम्भीर कानुनी एवं संवैधानिक प्रश्न अगाडि आएको जानकारहरू बताउँछन् ।