नेकपाको प्रचण्ड-माधव खेमाले संसदीय दलको नेतामा पुष्पकमल दाहाल प्रचण्डलाई चयन गरेको छ ।

शुक्रबार ज्येष्ठ सदस्य झलनाथ खनालको अध्यक्षतामा बसेको बैठकले प्रचण्डलाई सर्वसम्मत रूपमा संसदीय दलको नेता चयन गरेको हो ।

प्रचण्ड-माधव खेमाको संसदीय दलको बैठकमा प्रतिनिधिसभा र राष्ट्रियसभाका सांसद गरी १११ जना सहभागी थिए ।

४ जना सांसद भने विभिन्न कारणले शुक्रबारको बैठकमा सहभागी हुन नपाएको यो खेमाले जनाएको छ ।

प्रचण्ड-माधव खेमाले गत पुसमा नै संसदीय दलको बैठक बसेर प्रचण्डलाई संसदीय दलको नेता चयन गरेको थियो ।

सर्वोच्च अदालतले संसद विघटन बदर गरेको अवस्थामा प्रक्रियागत रूपमा पुनः संसदीय दलको नेता चयन गरेको बताइएको छ ।