नेकपाको प्रचण्ड-माधव खेमाले निर्वाचन आयोगले आफूहरूलाई नेकपाको आधिकारिकता दिन ढिलाइ गरेको भन्दै असन्तुष्टि जनाएको छ ।

प्रचण्ड-माधव खेमाले शुक्रबार लिखित रूपमै निर्वाचन आयोगलाई दलको आधिकारिकतासम्बन्धी विवाद तत्काल निरूपण गर्न अनुरोध गरेको हो । 

प्रमुख निर्वाचन आयुक्त दिनेशकुमार थपलियालाई लिखित पत्र बुझाउँदै  प्रचण्ड-माधव खेमाका नेताहरूले दलको विवाद निरूपण तत्काल गर्न आग्रह गरेका हुन् । प्रचण्ड-माधव खेमाले आफूलाई आधिकारिक दलको मान्यता दिन किन ढिलाइ गरेको भन्दै आयोगलाई सोधेको छ ।

केन्द्रीय कमिटी र संसदीय दल दुवैमा बहुमत पुर्‍याएर गरिएको निर्णयलाई निर्वाचन आयोगले मान्यता नदिएको भन्दै यो खेमाले आपत्ति पनि जनाएको छ ।

प्रमुख आयुक्त थपलियाले आइतबारदेखि प्रक्रिया सुरु गर्ने आश्वासन दिएको एक नेताले बताए ।