२१ फागुनमा शिलान्यास हुन लागेको रूपन्देहीको मोतीपुर औद्योगिक करिडोरको कार्यक्रमस्थलमा स्थानीयले विरोध गर्दै मञ्च भत्काइदिएका छन् । उक्त औद्योगिक करिडोरको भोलि अर्थमन्त्री विष्णु पौडेलले शिलान्यास गर्ने कार्यक्रम तय भएको थियो ।

बिहीबार बिहान स्थानीयले कार्यक्रमका लागि तयार गरिएको मञ्च भत्काइदिएका हुन् ।

मञ्च भत्काउनुअघि स्थानीयले औद्योगिक करिडोरको शिलान्यास कार्यक्रम रोक्ने चेतावनी दिएका थिए । ५० वर्षदेखि बसोबास गर्दै आएका स्थानीयको वैकल्पिक व्यवस्था नगरी औद्योगिक क्षेत्रको शिलान्यास गर्न लागेको भन्दै स्थानीयले पत्रकार सम्मेलन गरी शिलान्यास कार्यक्रम रोक्ने चेतावनी दिएका हुन् ।

संघर्ष समितिका संयोजक रामप्रसाद पाण्डेले राज्यबाट गास, बास र कपासको ग्यारेन्टी हुनुपर्नेमा त्यसको व्यवस्थापन गर्न चुकेको आरोप लगाए ।