आजदेखि सांसदहरूलाई कोरोना भाइरसविरुद्धको खोप लगाइने भएको छ । आज बिहान १० बजेदेखि अपराह्न ४ बजेसम्म सभामुख अग्निप्रसाद सापकोटासहित सांसदहरूलाई कोरोनाविरुद्धको खोप लगाइने भएको हो ।

सांसदहरूलाई नयाँ बानेश्वरस्थित सिभिल अस्पतालमा खोप लगाइने संसद सचिवालयले जनाएको छ ।

सचिवालयका अनुसार सभामुख, राष्ट्रियसभाका अध्यक्ष, उनीहरूको निजी सचिवालयमा कार्यरत कर्मचारी तथा अन्तर्राष्ट्रिय सम्मेलन केन्द्रका कर्मचारीका साथै मर्यादापालकलाई पनि खोप लगाइनेछ । त्यस्तै, संसदीय मामिलाका पत्रकारलाई पनि खोप लगाइनेछ ।

स्वास्थ्य मन्त्रालयका अनुसार उनीहरूलाई ३ दिनभित्र खोप लगाइसकिने बताइएको छ । संसद बैठकमा सहभागी हुनुअघि सांसदहरूले अनिवार्य खोप लगाउनुपर्ने संसद सचिवालयले जनाएको छ ।