प्रधानमन्त्री केपी शर्मा ओलीले पदबाट राजीनामा नदिने बताएका छन् ।

हिमालय टेलिभिजनको कार्यक्रम ‘यक्ष प्रश्न’मा दिएको अन्तर्वातामा आफूले राजीनामा दिए सर्वोच्च अदालतको फैसलाले अस्थिरता निम्त्याएको देखिने उनले जिकिर गरे । ओलीले भने, ‘मैले गरेको निर्णयले यो स्थिति होइन, देश चुनावतिर जान्थ्यो । समस्याको समाधान हुनेतिर जान्थ्यो ।’

राजीनामा पत्र कोटकै खल्तीमा छ ? भन्ने प्रश्नमा ओले भने, राजीनामा पत्र म लेख्दिनँ । मैले लेख्नुपर्ने अवस्था छैन । त्यसो भएपछि मैले अरू बाटो समाउन सक्छु । हराउन सक्नुपरो । मलाई हटाउने संसदीय बाटो छ, कानुनी बाटो छ ।'

आफूले आवश्यक परे विश्वासको मत लिनेलगायतका बाटो समाउन सक्ने प्रधानमन्त्री ओलीले बताए । अहिले पनि आफू संसदमा ६४ प्रतिशतको प्रधानमन्त्री भएको भन्दै उनले अविश्वास प्रस्ताव पारित गरेर देखाउन चुनौतीसमेत दिए ।