त्रिभुवन विश्वविद्यालय परीक्षा नियन्त्रण कार्यालयले यही १० वैशाखमा हुने परीक्षा सारेको छ ।

१० वैशाखमा ३ स्थानमा संघीय संसद्को उपनिर्वाचन हुने भएपछि परीक्षा १६ वैशाखलाई सारिएको परीक्षा नियन्त्रक पुष्पराज जोशीले जानकारी दिए ।

त्रिवि केन्द्रीय परीक्षा संचालन समितिको बिहीबार बसेको बैठकले परीक्षा सार्ने निर्णय गरेको उनले बताए ।

उनका अनुसार निर्वाचन आयोग, गृह मन्त्रालय र शिक्षा, विज्ञान तथा प्रविधि मन्त्रालयले निर्वाचनको दिन परीक्षा परेकाले सार्न अनुरोध गरेपछि सारिएको हो ।

१० वैशाखका सम्पूर्ण परीक्षा स्थगित गरी १६ वैशाखका दिन सोही समय र स्थानमा संचालन गर्ने निर्णय गरिएको उनले बताए ।