सिभिल लघु वित्त वित्तीय संस्थाले ठूलो संख्यामा कर्मचारी माग गरेको छ । संस्थाले मंगलबार एक सूचना जारी गर्दै अधिकृत १ जना, कनिष्ठ अधिकृत ४ जना, सहायक कनिष्ठ अधिकृत ५ जना, वरिष्ठ सहायक ३७ जना र कनिष्ठ सहायक ३८ जना गरी जम्मा ८० जनाका लागि रोजगारी दरखास्त आह्वान गरेको हो ।

सूचनामा उल्लेख भएअनुसार सुचना प्रविधि विभागमा अधिकृत १ जना, अनुगमन क्लस्टर प्रमुख फिल्ड र शाखा प्रमुखका लागि कनिष्ठ अधिकृत ४ जना तथा सोही विभागमा सहायक कनिष्ठ अधिकृत ५ जना, शाखा कार्यालय प्रमुखतर्फ वरिष्ठ सहायक ३७ जना र फिल्डमा लागि कनिष्ठ सहायक ३८ जना कर्मचारी माग गरिएको हो ।

संस्थाले विषेशगरी दाङ, बाँके, बर्दिया, कैलाली र कञ्चनपुर रही काम गर्न इच्छुकलाई प्रथमिकता दिने उल्लेख गरेको छ । संस्थाको नियमअनुसार योग्यता पूरा गरेका इच्छुक आवेदकले ९ भदौसम्म आवेदन दिन सक्नेछन् ।