नेकपा एमालेको दशौँ महाधिवेशन आयोजक कमिटी भंग भएको छ । मंगलबार साँझ प्रधानमन्त्रीको सरकारी निवास बालुवाटारमा बसेको स्थायी कमिटीको बैठकले दशौँ महाधिवेशन आयोजक कमिटी भंग गर्ने निर्णय गरेको हो । 

मंगलबारको बैठकको निर्णयअनुसार अब पार्टी २ जेठ २०७५ को अवस्थामा फर्किएको छ । यो औपचारिक निर्णय भएको एक स्थायी कमिटी सदस्यले बताए ।

असन्तुष्ट माधव नेपाल खेमाले पटक पटक यो माग राख्दै आएको थियो तर अध्यक्ष केपी शर्मा ओली यसका लागि तयार थिएनन् । केही समयअघि सर्वोच्च अदालतले माधव खेमालाई बेवास्ता गरेर अध्यक्ष ओलीले घोषणा गरेको महाधिवेशन आयोजक कमिटीलाई अवैधानिक फैसला गरेको थियो ।

आज यो निर्णय भए पनि बुधबारका लागि बोलाइएको महाधिवेशन आयोजक कमिटीको बैठक भने नरोकिने जनाइएको छ ।