अपी पावर कम्पनी लिमिटेडले आज अर्थात २० जेठदेखि २९.३८ प्रतिशत हकप्रद शेयरको लागि आवेदन खुला गरेको छ ।  

कम्पनीले चुक्तापुँजी १ अर्ब ९२ करोड ९७ लाख रुपैयाँको १:०.२९३८ को अनुपातमा हकप्रद शेयर निश्कासन गरेको हो। जसअनुसार १०० अंकित दरका कुल ५६ लाख ७० हजार कित्ता हकप्रद शेयर निष्कासन गरेको छ । कम्पनीलाई धितोपत्र बोर्डले गत २९ बैशाखमा निश्कासनको अनुमति दिएको थियो । कम्पनीको हकप्रद शेयरको लागि लगानीकर्ताले असार ९ गते बैंकिङ समयसम्म आवेदन दिन पाउनेछन् । 

हकप्रद निष्कासन तथा बिक्री प्रबन्धकमा मुक्तिनाथ क्यापिटल लिमिटेड रहेको छ। लगानीकर्ताले मुक्तिनाथ क्यापिटलको काठमाण्डौको हात्तीसारस्थित कार्यालय, अपी पावरको काठमाण्डौको थापाथलीस्थित कार्यालय, मुक्तिनाथ विकास बैंकको इटहरी, पोखरा, नागढुंगा, नारायणगढ, सुर्खेत, नेपालगंज, धनगढी र जनकपुर शाखा कार्यालयबाट आवेदन दिन सकिनेछ । 

यसका साथै  धितोपत्र बोर्डबाट आश्वा अनुमति प्राप्त बैंक तथा वित्तीय संस्थाबाट तथा मेरोशेयर अनलाइनबाट पनि शेयरका लागि आवेदन दिन सकिनेछ । 

कम्पनीले यसअघि कम्पनीले १:०.४७ को अनुपातमा गत  १४ कात्तिकदेखि ४ मंसिर सम्म हकप्रद निश्कासन गरी बिक्री गरिसकेको छ।