पछिल्लो राजनीतिक तरलतामा सत्ता पक्ष र विपक्षको समर्थनमा विभाजित जनता समाजवादी पार्टी अन्तत: फुटको दिशामा अघि बढेको छ ।

अध्यक्ष महन्थ ठाकुर र वरिष्ठ नेता राजेन्द्र महतोसहित ४ जना नेतालाई पार्टीबाट निश्कासन गरिएको छ । 

जसपाको सोमबार बसेको केन्द्रीय कार्यकारिणी समिति बैठकले अध्यक्ष ठाकुर, वरिष्ठ नेता महतो, नेताहरू सर्वेन्द्रनाथ शुक्ल र लक्ष्मणलाल कर्णलाई निश्कासन गरेको हो । उनीहरूलाई सोधिएको स्पष्टीकरण नबुझाएपछि निश्कासन गर्ने निर्णय गरेको हो । पार्टीले उनीहरूलाई २४ घण्टे स्पष्टीकरण सोधेको थियो ।

जसपामा ठाकुर-महतो खेमा प्रधानमन्त्री ओलीको पक्षमा छ भने डा. बाबुराम भट्टराई-उपेन्द्र यादव खेमा ओलीको विपक्षमा छ ।