नेपालमा विगत २४ घण्टामा ६ हजार ८५५ जनामा कोरोना संक्रमण पुष्टि भएको छ । यससँगै हालसम्म नेपालमा कोरोना संक्रमित भएकाको संख्या ५ लाख ४९ हजार १११ पुगेको छ ।

हाल नेपालमा सक्रिय संक्रमितको संख्या १ लाख १३ हजार ३९४ पुगेको छ । 

उक्त अवधिमा थप ९६ जनाको कोरोना संक्रमणका कारण मृत्यु भएको छ । योसँगै नेपालमा कोरोनाबाट मृत्यु हुनेको संख्या ७ हजार ४७ पुगेको छ ।

स्वास्थ्य तथा जनसंख्या मन्त्रालयका अनुसार विगत सोही अवधिमा ९ हजार ८४१ जना कोरोना संक्रमणमुक्त भएका छन् । यसरी हालसम्म निको हुनेको संख्या ४ लाख २८ हजार ६७० पुगेको छ । 

मन्त्रालयका अनुसार पछिल्लो सो अवधिमा काठमाडौँ उपत्यकामा २ हजार ३ सय २४ जनामा कोरोना संक्रमण पुष्टि भएको छ । जसमध्ये काठमाडौँमा १ हजार ७ सय ९६ जना, भक्तपुरमा २१३ जना र ललितपुरमा ३१५ जना कोरोना संक्रमित भेटिएका छन् ।