प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीद्वारा विघटन गरिएको प्रतिनिधिसभा पुर्स्थापनालगायत माग राख्दै सर्वोच्च अदालतमा दर्ता भएका रिटमाथि आगामी १३ र १४ जेठमा सुनुवाइ हुने भएको छ ।

प्रतिनिधिसभा विघटनविरुद्ध ३० वटा रिट दर्ता भएका छन् । तीमध्ये १९ वटा रिट साधारण इजलासमा र ११ वटाको संवैधाानिक इजलासमा सुनुवाइको माग गरिएको छ ।

अन्तरिम आदेश माग गरिएका १९ वटा रिटको सुनुवाइ १३ जेठका लागि तोकिएको छ भने संवैधानिक इजलासमा सुनुवाइको माग गरिएका ११ रिटको भने १४ जेठका लागि पेसी तोकिएको छ ।

राष्ट्रपति भण्डारीले संविधनाको धारा ७६(५) बमोजिमको प्रधानमन्त्री नियुक्ति हुने आधार नरहेको भनी निर्णय दिएपछि गत ७ जेठमा मन्त्रिपरिषद्को सिफारिसमा राष्ट्रपतिबाट संसद विघटन गरी २६ कात्तिक र ३ मंसिरमा निर्वाचनको मिति तोकिएको थियो ।