विघटित प्रतिनिधिसभाका सभामुख अग्निप्रसाद सापकोटाले प्रधानमन्त्री केपी शर्मा ओलीले गरेको प्रतिनिधिसभा विघटनबारे पूर्वसभामुखहरूसँग राय लिएका छन् ।

आज भएको छलफलमा पूर्वसभामुखहरूले प्रतिनिधिसभा विघटन असंवैधानिक भएको बताएका छन् ।

बैठकमा सहभागी पूर्वसभामुखहरूले संविधानअनुसार सरकार गठनका सबै विकल्प प्रयोग नभई संसद विघटन गरिएको बताएका हुन् । जनताको प्रतिनिधि संस्थामाथि २/२ पटक आक्रमण भएको र यो असंवैधानिक भएको उनीहरूको ठहर छ ।

बैठकमा पूर्वसभामुखहरू ओनसरी घर्ती, कृष्णबहादुर महरा र रामचन्द्र पौडेल उपस्थित थिए भने एक जना भर्चुअल माध्यमबाट उपस्थित थिए । एमाले संसदीय दलका उपनेतासमेत रहेका पूर्वसभामुख सुवासचन्द्र नेम्वाङ भने बैठकमा उपस्थित थिएनन् ।