साताको चौथो दिन नेप्से सूचक १३.०९ अंकको गिरावटसँगै २७८०.८१ विन्दुमा पुगी रोकिएको छ भने सेन्सेटिभ सूचक पनि घटेको छ ।
यस दिन २१४ वटा कम्पनीको २ करोड ५१ लाख २१ हजार ५५४ कित्ता शेयर ११ अर्ब ९५ करोड ८० लाख ९७ हजार ४१० रुपैयाँमा कारोबार भएको छ । करोबार रकमले हालसम्मकै उच्च रेकर्ड कायम गरेको हो । मंगलबारको उच्च कारोबारको रेकर्डलाई तोडी आज नयाँ रेकर्ड बनाएको हो ।
यस दिन करोबारमा आएका ११७ कम्पनीको शेयर मूल्य घटेको छ भने ५९ वटा कम्पनीको शेयर मूल्य बढेको छ । करोबारका हिसाबले पुनर्बीमा कम्पनी लिमिटेड यस दिन पनि अग्रस्थानमा रह्यो । यस कम्पनीको ५५ करोड रुपैयाँ बराबरको शेयर कारोबार भएको छ भने नेसनल लाइफको ४५ करोड ३४ लाख, नेसनल हाइड्रोको ३० करोड ६० लाख रुपैयाँ बराबरको शेयर कारोबार भएको छ ।
यस दिन बजारमा ५ वटा कम्पनीको शेयरमा सकारात्मक सर्किट लागेको छ । समता घरेलु लघुवित्त, रुरु जलविद्युत, गोर्खाज फाइनान्स, नेपाल फाइनान्स र कर्णाली डेभलपमेन्ट बैंकको शेयर मूल्यमा ९ प्रतिशतभन्दा बढी वृद्धि भएको छ ।
त्यसैगरी ङादी ग्रुप पावरको शेयर मूल्य सबैभन्दा धेरै ६.८८ प्रतिशतले घटेको छ भने युनाइटेड मोदीको ५.९२ प्रतिशत, नेपाल हाइड्रो डेभ्लपर्सको ५.७० प्रतिशत, युनिभर्सल पावरको ५.६० प्रतिशत र रैराङ हाइड्रो पावरको ५.३५ प्रतिशतले घटेको छ ।