काठमाडौंका मेयरहरुसँग सोमबार भएको छलफलपछि   जिल्ला कोभिड–१९ संकट व्यवस्थापन केन्द्र (डीसीसीएमसी), काठमाडौंले उपत्यकामा थप १५ दिन निषेधाज्ञा गर्न सिफारिश गरेको छ ।

डीसीसीएमसीले गरेको सिफारिसलाई सीसीएमसीमा पठाउने जनाइएको छ । स्रोतका अनुसार यसका लागि मंगलबार काठमाडौं, भक्तपुर र ललितपुरका प्रमुख जिल्ला अधिकारीहरुको बैठक बस्नेछ ।

१६ बैशाखदेखि जारी निषेधाज्ञाको अवधि यही २९ बैशाखमा सकिदैछ । यसैबीच डीसीसीएमसीले थप १५ दिन निषेधाज्ञा लम्ब्याउन सिफारिस गरेको हो ।

यसका अतिरिक्त डीसीसीएमसीले कतिपय निजी अस्पताललले बढी शुल्क लिइरहेको गुनासोलाई मध्यनजर गर्दै अनुगमन प्रभावकारी बनाउने र उपत्यकामा कोभिडविरुद्धको खोप अभियान सबै वडा कार्यालयमा निश्चित समय तोकेर २ जेठ देखि भीडभाड नहुने गरी सञ्चालन गर्ने निर्णयसमेत गरेको छ ।