राष्ट्रिय परीक्षा बोर्डले यस वर्षको एसईई र कक्षा १२ को परीक्षा स्थगित गरेको छ ।

बोर्डको सोमबार बसेको भर्चुअल बैठकले परीक्षा स्थगित गर्ने निर्णय गरेको हो ।

यसअघि बोर्डले सार्वजनिक गरेको तालिकाअनुसार  एसईईको १३ जेठ र कक्षा १२ को २६ जेठ  गतेबाट परीक्षा सुरू हुने थियो ।

बोर्डले कोरोना महामारीका कारण परिस्थिति जटिल बन्दै गइरहेकाले परीक्षा गराउन सम्भव नभएपछि अर्को सूचना जारी नभएसम्म परीक्षा स्थगित गर्ने निर्णय गरिएको जनाएको छ ।

स्रोतका अनुसार अबको परीक्षा कसरी गर्ने भन्नेबारे बोर्डका सदस्यहरुले १५ दिनभित्र मोडलतयार गरेर बोर्डलाई बुझाउनुपर्ने र त्यही अनुसार परीक्षा मोडल सार्वजनिक गर्ने बोर्डको निर्णय गरेको छ ।