मन्त्रिपरिषद् बैठक आज साँझ ५ बजे बोलाइएको छ । बैठकले कोरोनाविरुद्ध सीसीएमसीको बैठकले सिफारिस गरेका केही महत्त्वपूर्ण निर्णय गर्न सक्ने बताइएको छ । 

आजै काठमाडौँ उपत्यकाका तीनवटै जिल्लाका प्रमुख जिल्ला अधिकारीहरूको संयुक्त बैठक पनि बस्दै छ ।  काठमाडौं, भक्तपुर र ललितपुरमा कोरोना भाइरसको सक्रिय संक्रमितको संख्या बढेसँगै आगामी कदमबारे निर्णय गर्न संयुक्त बैठक बस्न लागेको हो ।

सक्रिय संक्रमितको संख्या उच्च रहेको र जोखिम बढ्दै गएकाले उपत्यकाका तीनै जिल्लामा लकडाउन गर्ने या नगर्ने विषयमा निर्णय गर्न बैठक बस्न लागेको स्रोतको भनाइ छ । सीसीएमसीले तराईमा ५०० र पहाडमा २०० जना सक्रिय संक्रमित हुने जिल्लामा निषेधाज्ञा लगाउन सिफारिस गरेको थियो ।